அரசியல் என்பது சம்பாதிப்பதற்கான தொழில் அல்ல:நடிகர் கமல்

தீக்கதிர் செய்தி

சென்னை, மே 26-

பிக் பாஸ் நிகழ்ச்சியின் மூலம் கமல், தொலைக்காட்சியில் அடியெடுத்து வைக்கிறார். சர்வதேச நாடுகளில் மிகவும் பிரசித்தி பெற்ற நிகழ்ச்சிதான் பிக் பாஸ். தற்போது விஜய் தொலைக்காட்சி நிறுவனம் தயாரித்து வருகிறது.இந்நிகழ்ச்சி ஜுன் 25ஆம் தேதி முதல் விஜய் தொலைக்காட்சியில் இரவு 8 மணிக்கு ஒளிபரப்பாகவுள்ளது. தமிழில் ‘பிக் பாஸ்’ அறிமுக நிகழ்ச்சி சென்னையில் நடைபெற்றது. இந்நிகழ்ச்சி முடிந்தவுடன் பத்திரிகையாளர்கள் எழுப்பிய கேள்விகளுக்கு கமல் பதிலளித்தார்.

அப்போது அவர் கூறியதாவது:

கேள்வி: நீங்கள் எப்போது அரசியலுக்கு வருவீர்கள்?

பதில்: நான் அரசியலுக்கு வந்து வெகுநாட்களாகி விட்டது. 21 வயதில் என் கையில் எப்போது மை வைத்தேனோ அப்போதிலிருந்தே அரசியலில் இருக்கிறேன், ஆனால் போட்டி போடும் அரசியலில் இல்லை. யார் வருவார்கள், யார் வரக்கூடாது என்று முடிவு பண்ற வெகுஜன கூட்டத்தில் நானும் நின்று கொண்டிருக்கிறேன்.

ரஜினி அரசியலுக்கு வரலாம் என நினைக்கிறீர்களா..?

ரஜினி வரலாமா என்பதை 5 வருடங்கள் வரும் போது சொல்கிறேன்.

தமிழர்கள்தான் தமிழ்நாட்டை ஆள வேண்டும் என்ற கருத்தை எப்படி பார்க்கிறீர்கள்?

தமிழ் உணர்வோடு இருக்கும் யார் வேண்டுமானாலும் தமிழகத்தை ஆளலாம். காந்தி தமிழனா, நேரு தமிழனா, சுபாஷ் சந்திர போஸ் தமிழனா?. ஆனால் போஸ் என்ற பெயரில் என் ஊரில் நிறையப் பேர் இருக்கிறார்கள். காந்தி என்ற பெயரில் இந்தியா முழுக்க பலர் இருக்கிறார்கள். அக்கருத்தை நான் ஒப்புக் கொள்ள மாட்டேன். என்னைப் பொறுத்தவரை கேரள மக்கள் என்னை மலையாளியாகத் தான் நினைத்துக் கொண்டிருக்கிறார்கள். அதற்காக அந்த ஊருக்கு முதல்வராக ஆவீர்களா என்று கேட்டால் எனக்கு ஆர்வமில்லை.

21 வயதிலிருந்து அரசியலில் இருக்கிறேன் என்கிறீர்கள். போட்டி போடும்அரசியலுக்கு எப்போது வரப்போகிறீர்கள்?

போட்டி என்ற வார்த்தையே தவறு. அரசியல் என்பது சேவை சம்பந்தப்பட்டது என்று நினைக்கும் போது, அதை சம்பாதிக்கக் கூடியஒரு அரங்கமாக நினைத்துக் கொள்வது தவறு.

இன்றைய அரசியல்வாதிகள் சேவையாக நினைக்கிறீர்களா?

கண்டிப்பாக இல்லை என்பது நான் சொல்லித் தான் தெரிய வேண்டுமா?

ரஜினிகாந்த் சிஸ்டம் சரியில்லை என்று கூறியுள்ளார். அதைப் பற்றி உங்களுடைய கருத்து?

அது எல்லாரும் சொல்லும் குற்றச்சாட்டு தான். அவரும் சொல்லியிருக்கிறார். வித்தியாசமாக ஒன்றும் சொல்லவில்லை. தவறாகவும் சொல்லவில்லை.

என்ன சிஸ்டம் மாற வேண்டும் என நினைக்கிறீர்கள்?

அரசியல் என்பது சம்பாதிக்கும் தொழில் அல்ல என்பதை முடிவு செய்து கொள்ள வேண்டும். அதற்கு இனிமேல் வரப்போகும் முதல்வருக்கோ, மந்திரிக்கோ நல்ல சம்பளம் கொடுத்து, எங்களுக்காக வேலை செய்கிற நீ என்று சொல்லிவிட வேண்டும். நீங்கள் தியாகம் செய்யுங்கள், சேவை செய்யுங்கள் என்று சொல்வதினால் சேவை செய்வதாக நினைத்துக் கொண்டு வேறு விஷயங்கள் செய்கிறார்கள். இதே போன்று பல விஷயங்கள் மாற்றப்பட வேண்டியுள்ளது.

இனி அரசியலுக்கு வருபவர்கள் என்ன செய்ய வேண்டும், செய்திருக்க வேண்டும்?

அது தெரிந்திருந்தால் நான் வந்திருக்க மாட்டேனா?

அரசியலுக்கு திரையுலக பிரபலங்கள் வந்து நாசமாக்கி விட்டார்கள் என்று பல அரசியல் தலைவர்கள் குற்றச்சாட்டு வைத்திருக்கிறார்கள். இதற்கு முன்பு முதல்வராக இருந்த கருணாநிதி, ஜெயலலிதா இருவருடைய ஆட்சி எப்படியிருந்தது?

அதெல்லாம் என்னை ஏன் கேட்கிறீர்கள். அதைப் பற்றி நிறைய சொல்லிவிட்டேன்.

உங்கள் நண்பர் ரஜினிக்கு ஆதரவோ, ஆலோசனையோ வழங்குவீர்களா?

அதை தனியாக வழங்குவேன்.

கருணாநிதியின் வைர விழா நிகழ்ச்சி நடைபெறவுள்ளது. அதைப் பற்றி தங்களுடைய கருத்து என்ன?

அவரைப் பற்றி ஒரு குறும்படமே இயக்கி அனைவருக்கும் அனுப்பியுள்ளேன். கூடிய விரைவில் வந்துவிடும்.

எம்.ஜி.ஆருடைய நூற்றாண்டு விழா நடைபெற்று வருகிறது. கலைத்துறை சார்பாகவோ, தமிழக அரசு சார்பாகவோ எந்தவிதமான கொண்டாட்டமோ, விழாவோ இல்லையே?

கொண்டாடும் அளவிற்கு இப்போது அவருடைய பிறந்த நாள் ஒன்றுதான் இருப்பதாக தோன்றுகிறது. வேறு எந்தவொரு கொண்டாடும் நிகழ்வும் இல்லை என்பது எனது கருத்து.

தமிழ் வருடங்கள் 60

தமிழ் வருடங்கள் 60 வருடங்களுக்கான சுழற்சியில் வரக்கூடியவை ஆகும். அவை: 

எண்	பெயர்	Name	வருடம்
1	பிரபவ	Prabhava	1987-1988
2	விபவ	Vibhava	1988-1989
3	சுக்ல	Sukla	1989-1990
4	பிரமோதூத	Pramodhudha	1990-1991
5	பிரசோற்பத்தி	Prajorpati	1991-1992
6	ஆங்கீரச	Angirasa	1992-1993
7	ஸ்ரீமுக	Srimukha	1993-1994
8	பவ	Bhava	1994-1995
9	யுவ	Yuva	1995-1996
10	தாது	Dhatu	1996-1997
11	ஈஸ்வர	Esvara	1997-1998
12	வெகுதானிய	Vehudhaniya	1998-1999
13	பிரமாதி	Pramathi	1999-2000
14	விக்கிரம	Vikrama	2000-2001
15	விஷூ	Vishu	2001-2002
16	சித்திரபானு	Chitrabanu	2002-2003
17	சுபானு	Subanu	2003-2004
18	தாரண	Tarana	2004-2005
19	பார்த்திப	Parthiba	2005-2006
20	விய	Viya	2006-2007
21	சர்வசித்து	Sarvasithu	2007-2008
22	சர்வதாரி	Sarvadhari	2008-2009
23	விரோதி	Virodhi	2009-2010
24	விக்ருதி	Vikruthi	2010-2011
25	கர	Kara	2011-2012
26	நந்தன	Nandhana	2012-2013
27	விஜய	Vijaya	2013-2014
28	ஜய	Jaya	2014-2015
29	மன்மத	Manmatha	2015-2016
30	துன்முகி	Dhunmuki	2016-2017
31	ஹேவிளம்பி	Hevilambi	2017-2018
32	விளம்பி	Vilambi	2018-2019
33	விகாரி	Vikari	2019-2020
34	சார்வரி	Sarvari	2020-2021
35	பிலவ	Pilava	2021-2022
36	சுபகிருது	Subakrithu	2022-2023
37	சோபகிருது	Sobakrithu	2023-2024
38	குரோதி	Krodhi	2024-2025
39	விசுவாசுவ	Visuvaasuva	2025-2026
40	பரபாவ	Parabhaava	2026-2027
41	பிலவங்க	Plavanga	2027-2028
42	கீலக	Keelaka	2028-2029
43	சௌமிய	Saumya	2029-2030
44	சாதாரண	Sadharana	2030-2031
45	விரோதிகிருது	Virodhikrithu	2031-2032
46	பரிதாபி	Paridhaabi	2032-2033
47	பிரமாதீச	Pramaadhisa	2033-2034
48	ஆனந்த	Aanandha	2034-2035
49	ராட்சச	Rakshasa	2035-2036
50	நள	Nala	2036-2037
51	பிங்கள	Pingala	2037-2038
52	காளயுக்தி	Kalayukthi	2038-2039
53	சித்தார்த்தி	Siddharthi	2039-2040
54	ரௌத்திரி	Raudhri	2040-2041
55	துன்மதி	Thunmathi	2041-2042
56	துந்துபி	Dhundubhi	2042-2043
57	ருத்ரோத்காரி	Rudhrodhgaari	2043-2044
58	ரக்தாட்சி	Raktakshi	2044-2045
59	குரோதன	Krodhana	2045-2046
	அட்சய Kannadasan Songs

புலிப்பாணி பாடல்கள் .>>> கிளிக் ச்ய்க <<<

தினமணி கட்டுரை

முகப்பு > கட்டுரைகள்

தமிழை வாசிக்க வைப்போம்

By ஜி. ஜெயராஜ்

First Published : 11 July 2013 04:32 AM IST

"தேமதுரத் தமிழோசை உலகமெலாம் பரவும் வகை செய்தல் வேண்டும்' என்பது தேசியக் கவியின் ஆசை. ஆனால், தமிழகத்தில் பார்க்கும் இடமெல்லாம் தமிழாக இருக்கிறதா என்பதே ஆய்வுக்குரியது.
  இந்தியாவில் அகழ்ந்தெடுக்கப்பட்ட சுமார் ஒரு லட்சம் கல்வெட்டுகளில் 60 ஆயிரம் கல்வெட்டுகள் தமிழ் மொழியில் எழுதப்பட்டவை.
   இந்தியா, இலங்கை, சிங்கப்பூர் ஆகிய நாடுகளில் அலுவல் மொழியாகவும் பத்துக்கும் மேற்பட்ட நாடுகளில் சுமார் 8 கோடிக்கும் அதிகமானோர் பேசும் மொழியாகவும் இருக்கிறது தமிழ்.
   2,500 ஆண்டு பழமை வாய்ந்த "செம்மொழியாக' தமிழ் இருக்கிறது என்பது தமிழர்கள் எல்லோருக்கும் பெருமை தரக்கூடியதாக இருந்தபோதும், உணர்வுப்பூர்வமாக தமிழ் நம்மோடு இருக்கிறதா?
   மொழி தெரியாத ஏதோ ஒரு இடத்தில் நாம் தனித்து விடப்படும்போது, உதவிசெய்ய வருபவர் தமிழில் பேசினால் எவ்வளவு மகிழ்ச்சி ஏற்படும்? நாம் பாதுகாக்கப்பட்டு விடுவோம் என்ற உணர்வே அது. அதாவது தமிழ் மொழி நம்மைக் காப்பாற்றும் என்ற நம்பிக்கை பிறக்கிறது அல்லவா? அது மொழியின்மீது நமக்கு உள்ள ஆழ்ந்த உறவைக் காட்டுகிறது. அது நமது முதல் உறவு, நமது அடையாளம்; பிறகுதான் தாய், தந்தை எல்லாம்.
  தமிழ் மொழியிலிருந்து தனிமைப்படும்போது பெறுகின்ற அந்த உணர்வை, நாம் தமிழோடு இருக்கும்போது மறந்து விடுகிறோம். நமது அடையாளத்தையே நாம் தொலைத்துக் கொண்டிருக்கிறோம். இதற்கு பல உதாரணங்களைக் கூற முடியும். முதலில் நாம் பார்க்கும் இடமெல்லாம் தமிழ் இருக்கிறதா என்று ஒருமுறை சுற்று முற்றும் பார்த்தாலே போதும். வணிக நிறுவனங்கள், பள்ளி, கல்லூரிகளின் பெயர்ப் பலகைகள் நம் கண்ணெதிரே தெரிகின்றவை. அவற்றில் நூற்றுக்கு 75 சதவீதம் தமிழ் பிரதானமாக இல்லை.
 தமிழ் நாட்டின் முக்கிய நகரங்களில் வலம் வந்தால் வணிக நிறுவனங்களின் பெயர்ப் பலகைகளில் தமிழை விட ஆங்கிலமே ஆதிக்கம் செலுத்துகிறது. கொட்டை எழுத்துகளில் ஆங்கிலத்தைப் பிரதானமாக எழுதி வைத்திருக்கின்றனர், அல்லது ஆங்கில மொழியை அப்படியே தமிழ் வார்த்தையாக எழுதிவிடுகின்றனர்.
   ஆங்கிலேயர்கள் இந்த நாட்டை ஆண்டதால் ஏற்பட்ட பாதிப்பா, அல்லது ஆங்கிலமே உலக அளவிலான தொடர்பு மொழி என்ற மாயையால் இதைக் கையாள்கின்றனரா என்று தெரியவில்லை. இந்த நிலை நமது அண்டை மாநிலங்களான கேரளம், கர்நாடகம், ஆந்திரம் போன்றவற்றில் இல்லை.
    கேரளத்தில் வணிக நிறுவனப் பெயர்ப் பலகைகளில் பெரும்பாலும் மலையாளமே  பிரதானமாக இடம்பெற்றிருக்கிறது. ஆங்கிலம் இரண்டாவதாக சிறிய அளவில் இருக்கிறது. அண்மையில் திருவனந்தபுரம் சென்றபோது, அவ்வப்போது இது எந்த ஊர் என, தமிழ் மட்டுமே தெரிந்த எங்களுடைய கார் டிரைவர் கேட்டுக்கொண்டே வந்தார். அத்தனை பெயர்ப் பலகைகளிலும் மலையாள மொழியே பெரிதாகக் காணப்பட்டது. ஆங்கிலம் சிறிய எழுத்தில் இருந்ததால் அடையாளம்காண முடியவில்லை. 
 ஆங்கிலத்தில் பேசுவதையே இன்றைக்கும் தமிழர்கள் நாகரிகமாகக் கருதிக் கொண்டிருக்கிறார்கள். அதனால் எந்த ஒரு நிகழ்ச்சி நடத்தினாலும், அழைப்பிதழை ஆங்கிலத்தில் அச்சிடுகின்றனர்.
 பள்ளி, கல்லூரி அழைப்பிதழ்கள் பெரும்பாலும் ஆங்கிலத்தில்தான் அச்சிடப்படுகின்றன.
   தமிழக அரசு அலுவலகங்களில் இன்னமும் ஆங்கிலம் கோலோச்சுகிறது. நீதிமன்றங்களிலும் ஆங்கிலத்தில்தான் வாதங்கள் எடுத்துரைக்கப்படுகின்றன.
 இந்த நிலையில் தமிழுணர்வு மங்கிப்போகாமல் இருக்க வேண்டுமென்றால் பார்க்கும் இடங்களிலெல்லாம் தமிழை வாசிக்க வைப்பதுதான் நமது மொழியின் வெற்றிக்கு முதல்படியாக இருக்கும்.

தமிழ்கடல் நெல்லை கண்ணன் பக்கம்

Saturday, August 10, 2013

வெட்கமில்லை வெட்கமில்லை இங்கு யாருக்கும் வெட்கமில்லை

நாடாளுமன்றம் வழக்கம் போல் செயல்பட எதிர்க்கட்சிகள் அனுமதிக்க வில்லை .யார் ஆண்டாலும் இதுதான் நிலை. பா.ஜ.க். காங்கிரஸ் எதுவெனிலும் இதுதான் நிலை.

ஆனால் உச்சநீதி மன்ற்ம் ஊழல் அரசியல்வாதிகள் மீது  கிரிமினல் வழக்குகள் இருந்தால் அவர்களை பதவி நீக்கம் செய்யவேண்டும் என்றவுடன். பா.ஜ.க. காங்கிரஸ் என்று எல்லா அரசியல் கட்சிகளும் ஒன்றாகச் சேர்ந்து விட்டன. கேவலம் கம்யூனிஸ்ட்களும்.உச்ச நீதிமன்றத்தின் கையை ஒடிக்க வேண்டும். என்று முடிவெடுத்து விட்டனர் நாட்டின் மிக முக்கிய தலைவர்கள்.

சுதந்திரம் எனது பிறப்புரிமை என்றார் லோகமான்ய பால கங்காதர திலகர் பெருமான்.

பசியில் ஏழை திருடினால் சிறை. வாழ்வதற்காக பணிக்குச் செல்லும் ஏழைப் பெண்கள் கட்டாயப் படுத்தப் பட்டு பாலியல் தொழிலில் தள்ளப் பட்டால்
அவளுக்குச் சிறை

ஊழல் எங்கள் பிறப்புரிமை அதில் உச்ச நீதி மன்றம் தலையிடுவதற்கு உரிமை கிடையாது என்பதற்கான் புதிய சட்டத்தை உடனே கொண்டு வருவோம் என்கின்றனர் வெட்கமற்ற தலைவர்கள்.இவர்கள் மனமறிந்து விபச்சாரம் செய்கின்றவர்கள்.ஆனால் இவர்களுக்கு முழு நேர காவற்றுறைக் காவல்.

இவர்களில் பிரதமர் வேட்பாளர்கள் வேறு அறிவிக்கப் படுகின்றார்கள்.

வெட்கமில்லை இங்கு வெட்கமில்லை யாருக்கும் வெட்கமில்லை  என்ற பாவேந்தரின் பாடல் வரிகள் தான் நினைவைக் குடைகின்றன.

மேட்டூர் அணை நிரம்புகின்றது. சில நாட்களுக்கு முன்னால் நான் எழுதியிருந்தேன். கன்னட வெறியர்கள் மலையாளத்துத் துரோகிகள் என்றெல்லாம் வசை பாடாதீர்கள் என்று .இயர்கையை அழிக்கின்ற ஈன புத்தியை அரசியல் தலைவர்களின் கைக்கூலிகள் விட்டொழித்தால்  இயற்கையின் கருணை சிறந்தே விளங்கும்.

Friday, July 19, 2013

என்றும் பயணம் செய்வான்

அரங்கன் அவன் அருளாலே திருவரங்கத்து
அரங்கன் அவன் ந்ண்பனால் வாலியானான்
கிறங்குகின்ற போதவனை செட்டி நாட்டு
கிருஷ்ண் பக்தன் கண்ணதாசன் பாடல் ஓன்று
மயங்குவதும் தயங்குவதும்  வேண்டாம் என்ற
மறை மொழியால் மனம் உறுதி கொள்ளச் செய்ய
மய்ங்குகின்ற பாடல்களால் தமிழாம் தாயை
மாண்பமையச் செய்த வாலி  இல்லை என்றார்


புரிகின்றது நண்பர்களே உடலை விட்டால்
போய் விட்டார் என்பதுவே நம் வழக்கம்
அறிவுடையோர் மட்டுமே உணர்வார் நன்கு
அரங்கன் வாலி அரங்கனிடம் சரணடைந்தான்
தெளிவோடு வாழ்ந்த அந்தத் தெய்வமகன்
தீர்க்கமாய் தமிழோடு வாழ்வான் என்றும்
பணிவோடு சொல்லுகின்றேன் கவிஞர் வாலி
பைந்தமிழரோடு என்றும் பயணம் செய்வான்

Saturday, July 13, 2013

உச்ச நீதி மன்றத்திற்கு நன்றி

உச்ச்நீதி மன்றம் மறுநாளே இன்னொரு தீர்ப்பையும் தந்துள்ளது. சிறையில் இருந்தாலே அவர்கள் தேர்தலிலே போட்டியிடக் கூடாது என்று. நமது அரசியல் வாதிகள் பதிலைக் காணோமே என்று பார்த்தேன்.

முதன் முதலில் மார்க்சிஸ்ட் கம்யூனிஸ்ட் கட்சி எதிர்ப்புத் தெரிவித்தது தான் ஆச்சரியமளிக்கின்றது.சட்ட அமைச்சர் கபில் சிபல் எல்லா அரசியல் கட்சிகளையும் கலந்துதான் இதில் முடிவெடுக்க வேண்டும் என்கிறார்.
நமது அசோக ஸ்தூபியில் நான்கு சிங்கங்கள் இருக்கின்றன. நாடாளுமன்றம் நீதித் துறை செய்தி ஊடகங்கள் நாட்டு மக்கள் என்று.

பாண்டிச்சேரிய்ல் ஒரு  15 வருடங்களுக்கு முன்னர் நான் சொன்னேன் ஒரு இலக்கிய நிகழ்வில் இந்தச் சிங்கங்களை அச்சடிக்கின்ற பொழுது ஒரு சிங்கம் மறைந்து போகும் அதுதான் இந்திய மக்களைக் குறிக்கின்ற் சிங்கம்  என்று.

கிரிமினல்கள் உதவியில்தான் இந்நாட்டு அரசியல் நடக்கின்றது என்பதனை நமது அரசியல் கட்சித் தலைவர்கள் பெருமையோடு ஒத்துக் கொள்வதனைப் பார்க்கின்ற போது உச்ச நீதி மன்றத்திற்கு நன்றி சொல்ல வேண்டியிருக்கின்றது. இத்தனை வெளிப்படையாக எங்கள் மானம் சூடு சுரணையற்ற தலைவர்களை எங்கள் முன் வெளிப்படையாக ஒத்துக் கொள்ள வைத்ததற்காக.

Thursday, July 11, 2013

யார் காக்க

உச்ச நீதிமன்றம் கிரிமினல் வழக்குகளில் தண்டிக்கப் பட்டவுடன் நாடாளுமன்ற உற்ப்பினரோ சட்டப் பேரவை உறுப்பினரோ உடனடியாக பதவி நீக்கம் செய்யப் பட வேண்டும் என்று இன்று ஒரு தீர்ப்பினை அளித்துள்ளது. கிரிமினல் குற்றப் பின்னணி உடையவர்கள் தேர்தலிலே போட்டியிடவே தடை விதித்தாலொழிய இந்த நாடு தேறாது.

ஒரு நீதிபதி ஒரு காவற்றுறையைச் சேர்ந்த பெண்ணை ஏமாற்றியிருக்கின்றார். அவர் ஒரே நாளில் மீண்டும் பதிவியில் நீதிபதியாக அமர்த்தப் படுகின்றார். காவற்றுறைப் பெண்ணிற்கே இது தான் நிலை என்றால் சாதாரண பெண்கள் நிலை என்ன.

Tuesday, July 9, 2013

விஜய் தொலைக்காட்சி தமிழ்ப் பேச்சு எங்கள் மூச்சு

அன்புமிக்க தமிழர்களுக்கு வாழ்க தமிழுடன். விஜய் தொலைக்காட்சி மீண்டும் தமிழ்ப் பேச்சு எங்கள் மூச்சு நிகழ்வை தொடங்கியுள்ளது. இந்த முறை தமிழுணர்வு மிக்க நல்லறிவோடு கூடிய நல்ல இளம்படை என்னோடு பணியாற்றுகின்றது. ஒவ்வொரு ஞாயிற்றுக் கிழமைகளிலும் காலை 10 மணியிலிருந்து 11 ம்ணி வரை நிகழ்ச்சி ஒலி பரப்பாகின்றது. அனைவரும் பார்க்க வேண்டுகின்றேன். அன்புடன் நெல்லைக்கண்ணன்

சிந்தனைக்கு

ஊழல் செய்த அமைச்சருக்கு மரணதண்டனை.பதறி விடாதீர்கள். சீனாவில்.



கனிமொழி மாநிலங்களவை உறுப்பினர் ஆகி விட்டார். இனிமேல் தமிழர்கள் மகிழ்ச்சியாக வாழலாம்.பல நாட்கள் டி.ஆர்.பாலு சோனியாகாந்தியைச் சந்தித்து ஆதரவு கேட்டு மான உணர்வே இல்லாமல் காங்கிரஸ் ஆதரவு தந்து  காக்கை பாடினியார் கனிமொழி வெற்றி பெற்ற மறு நாள் தமிழர்களுக்காகவே (அழகிரி ஸ்டாலின் கனிமொழி ) வாழும் மாமனிதர் கருணாநிதி சொல்லுகின்றார். காங்கிர்ஸோடு எங்களுக்கு ஒட்டும் கிடையாது உறவும் கிடையாது. உடனே காங்கிரஸ் செயலாளர் முகுல் வாஸ்னிக்கும்  எங்களுக்கும் திமுகவிற்கும் உறவு இல்லை என்கின்றார். யாருக்கு மானமும் வெட்கமுமில்லை எனப்தனைக் கூட நாம் கண்டு பிடித்து விடாமல்  ந்ம்மைக் குழப்புகின்ற காங்கிரஸையும் திமுகவையும் பார்த்து எனக்கு ரொம்ப மகிழ்ச்சியாக இருக்கின்றது.

Monday, June 24, 2013

கண்ணதாசக் கோமகனை

படைத்தவனும் தமிழருக்காய் படைத்தளித்தான்
பாடல் பேச்சு எழுத் தறிந்த பாவலனை
கிடைத்த எந்தப் பொருளையுமே பாடலாக்கும்
கேள்விகளின் நாயகனை செட்டி நாட்டைக்
கொடித்தலமாய் ஆக்கி புகழ் சேர்த்தவனை
கொற்றவனை கண்ணதாசக் கோமகனை
பனித் தமிழாள் நமக்களித்த் இந்த நாளைப்
பைந்தமிழர் எல்லோரும் போற்றி நிற்போம்

இணையதளங்கள் கழிப்பறையா, சுதந்திர உலகமா ?

இணையதளங்கள் கழிப்பறையா, சுதந்திர உலகமா ? திருப்பூரில் தொடங்கப்பட்டுள்ள தமிழ்ச்செடி என்ற அமைப்பின் முதல் விழா கடந்த 9.12.2012 அன்று திருப்பூர் செண்பகம் மக்கள் சந்தை என்ற வணிக வளாகத்தில் காலை பத்து மணி அளவில் நடைபெற்றது. அன்று விழாவில் திருப்பூரைச் சேர்ந்தவரும், வெகுஜன பத்திரிக்கை உலகில் அறிந்த, இலக்கிய எழுத்தாளர்களின் வட்டத்தில் அதிக அறிமுகமான எழுத்தாளர் திரு. சுப்ரபாரதி மணியன் அவர்களின் சிறப்புரையின் முழு வடிவம் இது. தமிழ்ச்செடியின் டிசம்பர் மாத விழாவின் சார்பாக இணையமும் தமிழும் என்று கொடுத்து இருந்தோம். எங்கள் அழைப்பை ஏற்று தமிழ்ச்செடி விழாவை சிறப்பித்த எழுத்தாளர் திரு. சுப்ரபாரதிமணியன் அவர்களுக்கு மிக்க நன்றி. உள்ளூர் படைப்பாளிகளை ஆதரிக்கும் அவரின் கரங்களை வலுப்படுத்த அவரை தொடர்பு கொள்ள வேண்டிய அலைபேசி எண் 94 86 10 1003. தினந்தோறும் மாலை ஆறு மணிக்கு மேல் அவரை தொடர்பு கொள்ளலாம். திரு.சுப்ரபாரதிமணியன் அவர்களின் வலைதளம் அவரது பேச்சின் முழுமையான வடிவம். திருப்பூரில்“ தமிழ்ச்செடி” என்ற இணைய தள பதிவாளர்களின் கூட்டமைப்பு மாதந்தோறும் இணையதளம் சார்ந்த பகிர்விற்காக கூட்டம் நடத்த ஏற்பாடு செய்கின்றது. மாதம் ஒரு இணையதள பதிவாளரை தேர்ந்தெடுத்து பரிசும் வழங்க நினைத்துள்ளது. இந்த விழாவை இனி இரண்டு மாதத்திற்கு ஒரு முறை விழா நடத்தி இரண்டு பதிவர்களைகளை தேர்ந்தெடுத்து அவர்களை கௌரவிக்க முடிவு செய்துள்ளது. இந்த இளைஞர்களின் முயற்சிக்கு என்னாலன அத்தனை உதவிகளையும் செய்ய தயாராக இருக்கின்றேன். இணையத்தில் தமிழ் மொழி குறித்து அக்கறை கொண்ட இந்த இளைஞர்களை நான் முதலில் பாராட்டுகின்றேன். இந்தப் பணி தொடர்ந்து நடக்க வேண்டும் என்று வேண்டுகோளையும் இந்த சமயத்தில் வைக்கின்றேன். இம்மாதம் பரிசு பெற்றவர். மதுரை மணிவண்ணன் அவர்கள். எழுத்தாள நடை எதுவும் இல்லாமல் வட்டார வழக்கு மொழியில் தனக்கு தோன்றியவற்றை தன் மொழியில் எந்தவித அவசரமின்றி இயல்பாக பல கட்டுரைகளை படைத்துள்ளார். வட்டார வழக்கு என்பது தற்போது தேய்ந்து கொண்டே வருகின்றது. திரு. மணிவண்ணன் அவர்கள் அது போன்ற ஒரு தளத்தில் நின்று தான் பார்த்த சமூகத்தை பல இடங்களில் பதிவு செய்துள்ளார். அவர் இன்னமும் தன் பார்வையை விரிவாக்கி முடிந்தவரைக்கும் எழுத்துலகில் பல முயற்சிகளை செய்ய வேண்டும் என்று நினைவு படுத்த விரும்புகின்றேன். தமிழ்ச்செடியின் இந்த டிசம்பர் மாதக்கூட்டதிற்கு தலைமை பொறுப்பில் இருக்கும் மக்கள் சந்தை.காம் நிறுவனர் சீனிவாசன் அவர்களின் முயற்சியை பாராட்டுகின்றேன். இளைஞர்களுக்கு இடமும் கொடுத்து அவர் பணிகளுக்கு இடையே இங்கு வந்து அமர்ந்திருப்பது எனக்கு அதிக மகிழ்ச்சியை தந்துள்ளது. தமிழ்மொழி சார்ந்த இது போன்ற விழாக்கள் அதிகம் நடக்க வேண்டும். ஆங்கில மொழிக்குப் பினனால் இன்றைய உலகமே சென்று கொண்டு இருக்கும் இந்த நேரத்தில் இளைஞர்களுக்கு தனது தாய் மொழி ஆர்வத்தை அளிக்கும் அவரின் செயல்பாடுகள் இன்னமும் விரிவடைய வேண்டும். அவர் இந்த விழாவிற்கு தலைமை ஏற்றிருப்பது மிக பொருத்தமான ஒன்று. இணைய தள பதிவாளர்கள் தேவியர் இல்லம் ஜோதிஜி, நிகழ்காலத்தில் சிவா, உலகசினிமா ரசிகன் பாஸ்கரன், மெட்ராஸ்பவன் சிவக்குமார், தோத்தவண்டா, அரூர் மூனா செந்தில், ஈரோடு ச்சிமோகன்குமார், வீடு சுரேஸ், இரவு வானம் சுரேஷ், கோவை மு.சரளா, தொழிற்களம் அருண் போன்றவர்களுக்கு என்னுடைய பாராட்டுக்கள். இன்றைய தினத்தில் நாம் படிக்கும் இணையதளங்கள் கழிப்பறையா, இல்லை இதுவொரு சுதந்திர உலகமா என்ற சர்ச்சையை கிளம்பியுள்ளது. குறிப்பாக பாடகி சின்மயி வழக்கில் திருப்பூரைச் சார்ந்த ராஜன்லீக்ஸ் கைது செய்யப் பட்ட போது பல இடங்களிலும் இது குறித்த விவாதம் அதிகமாகியுள்ளது. அது இன்னமும் தீவிரமாகியுள்ளது. இந்த செயல்பாடுகள் இரண்டு முனை உள்ள கூர்மையான கத்தியை நமக்கு நினைவு படுத்துவதாக உள்ளது. இந்தியா போன்ற ஜனநாயக நாட்டில் சுதந்திரக்குரலுக்கு மறுக்கப்படும் சூழ்நிலை தான் தொடக்கம் முதலே நிலவிக் கொண்டு வருகின்றது. அதுவே தான் இன்று வரையிலும் இணையம் வரைக்கும் வந்து சேர்ந்துள்ளது. எனக்குத் தெரிந்து தமிழின் முன்னோடியான இணையதளமான திண்ணை.காம் தொடர்ந்து கோ.ராஜாராம்,சிவகுமார் போன்றோரால் திறமையாக நட்த்தப்பட்டு இணையத்தில் எழுதுபவர்களுக்கு அதுவொரு சிறந்த ஜனநாயக மேடையாக அமைந்து வருகிறது. சுஜாதா, கோ ராஜாராம் முயற்சியால் வெளிவந்த கணிணி சார்ந்த நூல்கள் அப்போது தமிழுக்கு புது வரவாக அமைந்தன. நம் நினைவில் வாழும் எழுத்தாளர் சுஜாதா அவர்கள் என் “ அப்பா “ தொகுப்பிற்கு முன்னுரையை 30 பக்க அள்வில் கணிணி அச்சடிப்பில் பூச்சிபூச்சியான் எழுத்துக்களில் அனுப்பிய போது என் வீட்டின் புதுக் குழந்தையை பார்ப்பது போல பார்த்திருக்கிறேன். சுஜாதா கணிணி சார்ந்த தொழில்நுட்பக்கலைஞராக இல்லாமல் பலருக்கு எழுத்தாளராகவே தெரிந்திருக்கிறார். ஆனால் எழுத்தாளர் சுஜாதா இன்றைய இளைய சமூகம் வரைக்கும் ஆதர்ஷண எழுத்தாளராகவே திகழ்ந்து வருகின்றார். அவரின் எந்த எண்ணமும் ஒரு தனிப்பட்ட வட்டத்திற்குள் இல்லாமல் பரந்து பட்ட நின்ற காரணத்தால் இது சாத்தியமாகி உள்ளது. குறிப்பாக விஞ்ஞான சிந்தனைகளை அதிகம் விதைத்தவர்களின் அவரும் நமக்கு ஒரு முன்னோடியாக இருக்கின்றார். 15 ஆண்டுகளுக்கு முன்னால் சிங்கப்பூரில் நான் கோவிந்தசாமியைச் சந்தித்த போது அவரின் இலக்கியப் படைப்புகளை முன் வைத்து எழுத்தாளராகவே பார்த்தேன். ஆனால் கணிணி மென் பொருள் சார்ந்து அவரும் நிறைய அப்போது இயங்கினார். சென்றாண்டில் மலேசியா கோலாலம்பூரில் நான் சந்தித்த முத்து நெடுமாறன் தமிழ் மென்பொருள் சார்ந்தும் அதையொட்டி வெவ்வேறு மொழிகள் சார்ந்த மென்பொருட்கள் சார்ந்தும் நிறைய உழைத்திருக்கிறார். இவர்களைப் போல பல் நூற்றுக்கணக்காண புலம் பெயர்ந்த தமிழர்கள் தமிழ் மென்பொருள் சார்ந்து உலகமெங்கும் உழைத்து இன்றைய இணைய் தள உபயோகத்தை சுலபமாக்கியிருக்கிறார்கள். 5 ஆண்டுகளுக்கு முன் என் அலுவலகத்தில் பணிபுரியும் தற்காலிகத் தொழிலாளியான சுந்தரக்கண்ணன் அவரின் உத்தியோக அலுப்பை மீறி கண்ணியில் தொடர்ந்து ஏதாவது கற்றுக் கொண்டிருந்தார். அவர் எனக்கென்று ஒரு இணைய தள பக்கத்தை ஏற்படுத்துவதாக சொன்னபோது நான் அதில் அதிக அக்கறை காட்டவில்லை. செலவு எதுவும் இல்லை என்று அவரே ஒரு வலைதளம் ஆரம்பித்து தந்த போது தான் அதன் அருமையை உணர்ந்ததேன். அது எனக்கு மிகவும் தேவையானதாக உணர்ந்தேன். தமிழில் டைப் செய்ய ஈ கலப்ப்பை போன்றவற்றைக் கற்றுக் கொண்டு படைப்புகளை மின் தளங்களுக்கு அனுப்பியபோது அவை மாற்றம் பெற சிரமம் இருந்த்தால், தமிழ் முரசு பின்பு கை கொடுத்தது. தமிழில் சிந்தித்து ஆங்கிலத்தில் டைப் செய்வது இன்றும் பல மனத்தடைகளை உருவாக்கிக் கொண்டே இருக்கிறது. நான் இணைய தளத்திற்கென்று பெரும்பாலும் எழுதுவதில்லை. இதழ்களுக்கு எழுதுவதே இணைக்கப்படுகிறது. தாளில் அச்சடிக்கப்படுவதை படிப்பதே சிறந்தது என்ற மூடநம்பிக்கையைக் கொண்டிருக்கிறவர்கள், அவர்கள் மனதளவில் இன்னும் தேங்கியபடியே இருக்கிறார்கள். அதை மீறின ஜனநாயக மேடையாக இன்றைய இணையதளங்கள் விளங்குகின்றன. அந்த மூட நம்பிக்கை தமிழகத்தில் இன்னும் அதிகமாக இருக்கிறது. பண்டிதர்களிடமிருந்து தமிழ்க்கவிதை விடுபட்டு புதுக்கவிதையின் எழுச்சியால் புதுக்கவிதை தொகுப்புகளின் அபரிமிதமான வெளியிடலும் கோவை வானம்பாடி இயக்கத்தினரின் வெளிப்பாடும் எழுப்துகளில் புதுக்கவிதையை தனித்துக் காட்டியது. தொழில்நுட்ப வளர்ச்சியால் குறும்படங்களின் தயாரிப்பு முயற்சிகள் 90 களில் இன்னொரு வகை சாதனையாக மிளிர்ந்தது. அதே தொழில் நுட்பம் இணையதளங்கள் மூலம் லட்சக்கணக்கான படைப்பாளிகளை இன்று உருவாகியுள்ளது. இன்று தனது தாய் மொழியான தமிழ் படிக்காமலேயே எவர் வேண்டுமானாலும் பட்டம் வாங்கி விடலாம். தமிழகத்தில் உள்ள நிலையில் மெட்ரிக் பள்ளிகளின் ஆதிக்கம், ஆங்கில பயன்பாடு மீறி புதிய தலைமுறையினரை தமிழ்ச்செடி இணைய தளத்தில் தமிழில் தங்கள் தாய் மொழி சார்ந்த அனுபவங்களை எழுத வைத்திருப்பது நல்ல விசயமே. பின்நவீனத்துவ காலகட்டம் எழுத்தாளன் என்ற பீட பிம்பத்தை உடைத்து வாசகர்களின் பங்களிப்பையும்,வாசகர்களை எழுத்தாளர்களாக உயர்த்தியிருப்பதையும் சுட்டிக் காட்டலாம். எழுத்தாளன், சிஷ்யப்பரம்பரை என்பது ஒழிந்து விளிம்பு நிலை மக்களே தங்கள் குரலில் பதிவு செய்யும் மேடையாக இணைய தளங்கள் இன்றைக்கு வளர்ந்துள்ளன.. எழுத்தாளன் இல்லாமல் போக பிரதிகளின் குரல் தயவு தாட்சண்யமற்று பல்வேறு துறைகளிலும் ஒலிக்கிறது. வட கிழக்கு இந்தியாவில் மலைப்பிரதேசவாசிகளுடன் வசித்து வந்த தமிழ நண்பர் ஒருவர் அங்கு கண்ட ஒரு பழக்கத்தை இன்றும் இங்கு வந்த் பின்பும் கடை பிடிக்கிறார். மாதந்தோறும் குடும்ப உறுப்பினர்கள் உட்கார்ந்து அவர்கள் ஒரு பெட்டியில் அந்த மாதம் எழுதிப்போட்டிடுருக்கும் பல செய்திகளை, சந்தோச விசயங்களை , புகார்களை, வருத்தங்களை பகிர்ந்து கொள்வதாகும் அது,. அது போல் பழங்குடி மரபின் தொடர்ச்ச்சியாய் இணைய தளங்களின் மூலமான பகிர்வு வாழ்க்கையின் பல்வேறு பரிமாணங்களை பல்வேறு பரிணாமங்களுடன் இன்றைக்கு காட்டும் ஜனநாயக வெளியை உருவாக்கி யிருக்கிறது. இதில் தமிழ் இளைஞர்கள் அக்கறையுடன் தமிழில் எழுதி ஈடுபடுகிறார்கள் என்பது பெரிய சாத்னைதான். திருப்பூர் போன்ற ஊர்களில் பல்வேறு தொழிலில் உள்ளவர்களையும், பல துறை சார்ந்தவர்களையும் இது போன்ற விழாவிற்கு ஒருங்கிணைப்பதே மிகப் பெரிய சவாலாகும். ஆனால் இந்த அமைப்பின் இளைஞர்கள் இன்று சாதித்துக் காட்டியுள்ளார்கள். தமிழ் மொழி என்பது காசு சம்பாரிக்க உதவாது என்பதான இன்றைய பொருள் சார்ந்த சமூகத்தில் நமக்கான அடையாளங்களை மீட்டெடுக்க இது போன்ற கலந்துரையாடல் நிச்சயம் உதவும். இந்த இளைஞர்களுக்கு என் பாராட்டுதலை மீண்டும் சொல்லிக் கொள்ள விரும்புகின்றேன். கடந்த 25 ஆண்டுகளாக திருப்பூரில் உள்ள இளம் படைப்பாளிகள், மற்றும் எழுதும் ஆர்வமுள்ளவர்களை என்னளவில் எங்கள் கனவு என்ற இலக்கிய இதழ் மூலம் அறிமுகம் செய்து வைத்துக் கொண்டு இருக்கின்றோம். மாதம் தோறும், வருடந்தோறும் இலக்கிய உலகில் உள்ள பலரையும் திருப்பூருக்கு அழைத்து வந்து உரையாற்றச் செய்கின்றோம். ஆனால் தற்போது இந்த இளைஞர்கள் இது போன்ற விழா நடத்த முயற்சித்துருப்பது எனக்கு தனிப்பட்ட வகையில் மகிழ்ச்சியை தருவதாக உள்ளது. இந்த விழாவிற்கு அழைத்த உங்கள் அனைவருக்கும் என் நன்றியும் பாராட்டும். நன்றி.